Oddafélagið hlaut styrk

Sóknaráætlun-Suðurlands-2015-150x106Verkefnastjórn Sóknaráætlunar Suðurlands fjallaði um tillögur fagráðs nýsköpunar og fagráðs menningar um úthlutun styrkveitinga til verkefna úr Uppbyggingarsjóði Suðurlands, í fyrri úthlutun ársins, á fundi sínum 31. mars s.l.. Alls bárust sjóðnum 137 umsóknir að þessu sinni og hlutu 72 verkefni styrk en alls var deilt út 37.540.000 kr. Oddafélagið hlaut verkefnastyrk að upphæð 750.000 kr og er áætlað að verja styrknum til undirbúnings s.k. Oddarannsóknar sem er fyrsti hluti af stóra verkefninu „Oddi – miðstöð menningar á ný“ sem er gríðarlega spennandi og mikilvægt verkefni þar sem ætlunin er að leggja grunn að því að „Vekja Odda úr mold“ eins og þjóðskáldið Matthías í Odda kvað um árið. Segja má að hér séu komnir fyrstu strengirnir hans Matthíasar en í Gammabrekku var honum mikið niðri fyrir um stöðu og framtíð Odda enda segir þar: „…ég vil en vantar strengi..“. Stefnt er að því að ráða starfsmann tímabundið nú fram á haustið til undirbúnings verkefninu og verður þessum styrk varið til að fjármagna þá vinnu. Eru þetta mikil gleðitíðindi fyrir Oddafélaga.

20170515_102735

Guðlaug Svansdóttir frá SASS og Ágúst formaður Oddafélagsins við afhendingu styrksins.