Heiðursfélagi Þór

Á fundi stjórnar Oddafélagsins þann 21 september sl. var einróma samþykkt að gera Dr. Þór Jakobsson að heiðursfélaga í Oddafélaginu. Framlag Þórs við að halda merki Odda á Rangárvöllum hátt á lofti hefur verið ómetanlegt og Oddafélagið á honum sína tilveru að þakka en Þór var formaður félagsins í aldarfjórðung allt frá stofnun þess árið 1990. Oddafélagar notuðu tækifærið að heiðra Þór í 80 ára afmælisveislu hans sem haldin var í Perlunni að viðstöddu fjölmenni þann 5. október sl.

Á heiðursskjali sem Þór var afhent ásamt myndarlegum blómvendi við þetta tækifæri stendur „Hafðu heila þökk fyrir ómetanlegt starf í þágu þess að gera Odda á Rangárvöllum að miðstöð menningar á nýjan leik“

img_3807

Hluti stjórnar Oddafélagsins með heiðursfélaga Þór Jakobssyni og Jóhönnu konu hans f.v. Drífa Hjartardóttir, Þór, Sigrún Ólafsdóttir, Jóhanna, Íris Sigurðardóttir og Ágúst Sigurðsson.